නිරිත දිග බෙංගාල බොක්ක මුහුදු ප්රදේශයේ පවතින ගැඹුරු පීඩන අවපාතය පිළිබඳ කාලගුණ විද්යා දෙපාර්තමේන්තුව විසින් අනතුරු ඇඟවීමේ නිවේදනයක් නිකුත් කර තිබෙනවා.
අද (28) අළුයම 5.00ට නිකුත් කර ඇති එම නිවේදනය අද පෙ.ව 11 දක්වා බලාත්මක වනු ඇති.
නිරිත දිග බෙංගාල බොක්ක ප්රදේශයේ පවතින ගැඹුරු පීඩන අවපාතය අද (28) අළුයම 02.30 පමණ වන විට ත්රිකුණාමලයට කිලෝමීටර් 100ක් පමණ ඊසාන දෙසින් පිහිටා තිබු බවයි එම නිවේදනයේ දක්වා ඇත්තේ.
එය දිවයිනේ නැගෙනහිර වෙරළට ආසන්නව උතුරට බරව වයඹ දෙසට ඉතා සෙමින් ගමන් කරමින් අද (28) දින සුළි කුණාටුවක් දක්වා තවදුරටත් තීව්ර වීමට ඉඩ ඇති බවද එහි සඳහන් කර තිබෙනවා.
මෙම පද්ධතියේ බලපෑම හේතුවෙන් දිවයින පුරා බොහෝ ප්රදේශවල අහස වලාකුළින් බරව පවතින අතර උතුරු පළාතේත්, ත්රිකුණාමලය දිස්ත්රික්කයේත් ඉතා තද වැසි සහ තද සුළං බලාපොරොත්තු විය හැකියි.
දිවයිනේ උතුරු පළාතේත්, ත්රිකුණාමලය දිස්ත්රික්කයේත් විටින් විට වැසි හෝ ගිගුරුම් සහිත ඇතිවනවා.
ඇතැම් ස්ථානවලට මි.මී.150 ට වැඩි ඉතා තද වැසි ඇතිවිය හැකියි.
දිවයිනේ සෙසු ප්රදේශවලත් විටින් විට වැසි ඇතිවන අතර උතුරු මැද සහ වයඹ පළාත්වලත්, මාතලේ සහ කෑගල්ල දිස්ත්රික්කවලත් ඇතැම් ස්ථානවලට මි.මී.100 ට වැඩි තද වැසි ද ඇතිවන බව සඳහන්.
උතුරු, උතුරු මැද සහ වයඹ පළාත්වලත්, ත්රිකුණාමලය දිස්ත්රික්කයේත් විටින් විට හමන පැ.කි.මී. (60-70) ක පමණ ඉතා තද සුළං ඇතිවිය හැකි අතර දිවයිනේ සෙසු ප්රදේශවලත් විටින් විට හමන පැ.කි.මී. (40-50) තද සුළං ඇතිවිය හැකියි.
ගිගුරුම් සහිත වැසි සමග ඇතිවිය හැකි තාවකාලික තද සුළංවලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස කාලගුණ විද්යා දෙපාර්තමේන්තුව ජනතාවගෙන් ඉල්ලීමක් කළා.
The post සුළි කුණාටුව ත්රිකුණාමලයට කිලෝමීටර් 100ක් දුරින්! නවතම කාලගුණ නිවේදනය මෙන්න! appeared first on TODAY NEWS LK.
from TODAY NEWS LK https://ift.tt/mDvTYZs
via IFTTT
