පාරිභෝගිකයාට ඔරොත්තු නොදෙන එළවළු මිල

වෙළඳපොළේ එළවලු මිල ගණන් දරාගත නොහැකි ලෙස ශීඝ්‍රයෙන් ඉහළ ගොස් ඇතැයි පාරිභෝගිකයෝ පවසති.

ඒ අනුව බොංචි, කැරට්, තක්කාලි, දෙහි, අමුමිරිස් මිල ගණන් සැලකිය යුතු අගයකින් ඉහළ ගොස් ඇතැයි ඔව්හු සඳහන් කරති.

නාරාහේන්පිට ආර්ථික මධ්‍යස්ථානයේ බොංචි කිලෝවක් රුපියල් 440 කටත්, කැරට් කිලෝවක් රුපියල් 480 කටත්, ගෝවා කිලෝවක් රුපියල් 380 කටත්, තක්කාලි කිලෝවක් රුපියල් 320 කටත්, වම්බටු කිලෝවක් රුපියල් 400 කටත්, දේශීය අල කිලෝවක් 480 කටත්, දෙහි කිලෝවක් රුපියල් 1000 කටත්, අමුමිරිස් කිලෝව රුපියල් 800 කටත් අලෙවි වන බව පාරිභෝගිකයෝ කියති.

සාමාන්‍ය වෙළඳපොළේ බොංචි කිලෝවක් රුපියල් 450ත් 500 කටත්, කැරට් කිලෝවක් රුපියල් 500ත් 600ත් අතර මිළකටත්, ගෝවා කිලෝවක් රුපියල් 420 කටත්, තක්කාලි කිලෝවක් රුපියල් 350 කටත්, මාලු මිරිස් කිලෝවක් රුපියල් 750 කටත්, වම්බටු කිලෝව 480 කටත්, බණ්ඩක්කා කිලෝව රුපියල් 340 කටත්, මුරුංගා කිලෝව රුපියල් 900 කටත්, කරිවිල කිලෝව 860 කටත්, දෙහි කිලෝවක් රුපියල් 1100 කටත්, අමුමිරිස් කිලෝව රුපියල් 900 කටත් අලෙවි වන බව පාරිභෝගිකයෝ කියති.

from TODAY NEWS LK https://ift.tt/DlC8tjr
via IFTTT