සුරාබදු දෙපාර්තමේන්තුවේ නිලදාරින් පිරිසක් මගින් කල වැටලීමකදී හුනුවල මැටිහක්වල හන්දිය ආසන්නයේ (ස්ටෝරුව අසල) සුරාබදු පනත උල්ලංඝනය කිරීම නිසා සුරා සැලක් මාස 6කට පමන පෙර සීල්තබා තිබෙනවා.
මෙලස සීල්තබා තිබු සුරාසැල පසුගිය 15 වනදා නැවත පැරණි බලපත්රයටම විවෘත කර තිබෙන බවට වාර්තා වෙනවා.
ඒ පාර්ලිමේන්තු මන්ත්රීණි මුදිතා ප්රියශාන්ති සොයිසා මහත්මියගේ මත්පැන් බලපත්රය බවයි සඳහන් වන්නේ.
තවද ගල්හිර හන්දිය හුනුවල ඕපනායක යන ලිපිනයේ පිහිටි හොටෙල් හිල්රෝ නමැති හෝටලයට නව සුරාසැල් බලපත්රයක් (ර.බී.07/08) ඉල්ලුම් කර තිබෙන බවට වාර්තා වෙනවා.
එම නව සුරාසැල සම්බන්ධයෙන් විරෝධතාවක් ඇත්නම් ග්රාමසේවක හෝ ප්රාදේශීය ලේකම් වෙත ලිඛිතව ඉදිරිපත් කරන ලෙස එන්.එම්. මුදිතා ප්රියශාන්ති ජිනදාස, ටී.එල්.පී. ද සොයිසා සහ ටී.ටී.එන්. ද සොයිසා යන පුද්ගලයින් විසින් දැන්වීම් ප්රසිද්ධ කර තිබෙන බවයි සඳහන් වන්නේ.
මීට විරුද්ධ වූ ප්රදේශවාසීන් ඊයේ ප්රදේශයේ කලුකොඩි ඔසවා තිබුණු අතර ඊයේ දින (16) ප්රදේශයේ හිමිවරුන් දහම්පාසල් ගුරුවරුන් පාසල් දරුවන් මෙන්ම විශාල පිරිසක් බදුල්ල කොලඹ මාර්ගය අවහිර කර විශාල විරෝධතාවක නියලෙමින් තම ගමට නැවත සුරාසැලක් අනවශ්ය බව පවසා සිටියා. (news19)
The post සීල් තැබූ පාර්ලිමේන්තු මන්ත්රීගේ සුරාසැලක් නැවත පැරණි බලපත්රයටම විවෘත කරලා first appeared on TODAY NEWS LK.
from TODAY NEWS LK https://ift.tt/DMVnQyi
via IFTTT
