අද (22) රාත්රියේ වැල්ලම්පිටියේ දී සිදුවූ වෙඩි තැබීමකින් ඩෑන් ප්රියසාද් නැමත්තා ජීවිතක්ෂයට පත් වූ බවට මීට පෙර වාර්තා වී තිබුණ ද, පොලිස් මාධ්ය ප්රකාශකවරයා පසුව පැවසුවේ ඔහු මේ වන විට අසාධ්ය තත්ත්වයෙන් රෝහල්ගතව ප්රතිකාර ලබන බවයි.
අද රාත්රී 9:10ට පමණ වැල්ලම්පිටිය ලක්සඳ සෙවණ මහල් නිවාස සංකීර්ණයේ උඩු මහලකදී මෙම වෙඩිතැබීම සිදුකර තිබේ.
ඩෑන් ප්රියසාද් මෙම වෙඩි ප්රහාරයෙන් තුවාල ලබා රෝහල්ගත කිරීමෙන් අනතුරුව මිය ගිය බව පොලිස් මාධ්ය ප්රකාශකවරයා මීට පෙර සඳහන් කර සිටියේය.
කෙසේවෙතත් පසුව පොලිස් මාධ්ය ප්රකාශකවරයා පසුව සඳහන් කළේ වෙඩි වැදුණු ඩෑන් ප්රියසාද්, මියගොස් නොමැති බව සහ අසාධ්ය තත්ත්වයෙන් රෝහල්ගතව ප්රතිකාර ලබන බවයි.
සිද්ධියෙන් තවත් පුද්ගලයෙකු සුළු තුවාල ලබා මේ වනවිට රෝහල්ගතව ප්රතිකාර ලබමින් සිටින බව වාර්තා වේ.
යතුරුපැදියකින් පැමිණි වෙඩික්කරුවන් දෙදෙනෙකු පිස්තෝල වර්ගයේ ගිනිඅවියකින් වෙඩිතැබීම සිදුකර ඇති බවට අනාවරණය වී ඇත.
සිද්ධිය පිළිබඳ වැඩිදුර විමර්ශන වැල්ලම්පිටිය පොලීසිය සිදුකරයි.
The post ඩෑන් ප්රියසාද් මැරිලා නෑලු! පොලීසියෙන් නිවැරදි කිරීමක්! appeared first on TODAY NEWS LK.
from TODAY NEWS LK https://ift.tt/3hSVc0O
via IFTTT
